Quinto Encontro

Celebramos a Trindade, que en definitiva é a identidade amorosa, amante, solidaria, de todos, de todo: alguén que sae de si e ama, alguén amado, amada, e a forza do amor que nos vincula. Así é Deus, e así somos todos e cada un de nós. Deus é Trindade e todos/todas nós estamos chamadas a ser Trindade. É hoxe a festa de Deus, é, polo tanto, tamén a nosa festa.

Signo:

 

O abrazo, que vemos tamén na imaxe desta folla.

 

 

No nome do Pai que nos ama,

do Fillo que nos acompaña,

do Espírito que nos alenta.

 

 

 

 

 

XUNTEMOS CEO E TERRA,

FAGAMOS UNIDADE,

CREADOR E CREATURA,

VIVAMOS A TRINDADE.

 

COS LAZOS DA XUSTIZA,

COS LAZOS DO PERDÓN,

COS LAZOS DO ESPÍRITO,

COS LAZOS DO AMOR.

Se no Fillo fillos somos,

familia, comunidade,

nas nosas vidas vivimos

o regalo da Trindade.

Se coa xente pobre somos

creadores de irmandade,

na nosa Igrexa vivimos

o regalo da Trindade.

Cando entre os pobos facemos

unión, solidariedade,

na loita do amor vivimos

o regalo da Trindade.

Cando coidamos da terra

nai, fogar de humanidade,

nos nosos mimos vivimos

o regalo da Trindade.

Se coa xente compartimos

ledicias, penalidades,

no que sentimos vivimos

o regalo da Trindade.

Na oración e no silencio,

na pobreza, na humildade,

con alegría vivimos

o regalo da Trindade.

No xenio e na tenrura,

na protesta e na bondade,

sinxelamente vivimos

o regalo da Trindade.

Descubrindo con Xesús

de Deus a libre vontade,

na nosa busca vivimos

o regalo da Trindade.

Desde o Pai e con Xesús

camiño, luz e verdade,

no Espírito vivimos

o regalo da Trindade.

Coma don, coma promesa,

coma xa realidade,

no día a día vivimos

o regalo da Trindade.

Xn 21,15-19: namoramento de Cristo, servizo á comunidade, seguimento.

 

Preces individuais de loanza, de agradecemento, de solidariedade, de perdón, ...

Contestamos dicindo xuntos/as:

SEÑOR, TI SABES QUE TE QUERO

Canto:

 

PORQUE ES GRANDE, NOSO DEUS, E VÉN DE TI CANTO É BO,

DESDE ESTA NOSA TERRIÑA DÁMOSCHE GRAZAS, SEÑOR.