Traballo entre sesións curso 2023-2024

    

Xesús, o rostro humano de Deus

Para o traballo das mañás:

Texto base:

Rafael Aguirre, Carmen Bernabé, Carlos Gil: Qué se sabe de... Jesús de Nazaret. Verbo Divino, (5ª reimpresión, 2018)

Textos complementarios:

Andrés Torres Queiruga: Repensar la cristología. Verbo Divino, 1995

Manuel Regal Ledo: Xesús, aquel home de aldea, Encrucillada, 2008; Jesús, aquel hombre de pueblo, PPC, 2016

 

Para o traballo dos grupos pola tarde:

José Antonio Pagola: Jesús. Aproximación histórica. PPC, 2007

5ª sesión 

(4 de maio de 2024)

Mañá:

Qué se sabe de... Jesús de Nazaret

Que significa "Xesús é Deus"? (cap. 9 páx 187-214).

Tarefa especial:

Para facer máis viva a participación no encontro xeral, a ver se cada asistente, unha vez lido o texto, traemos preparadas un par de preguntas ou comentarios sobre algo que me gustou máis ou meu desconcertou.

Tarde:

GRUPO 1: "Confilitivo e perigoso" Libro de Pagola, cap. 12

GRUPO 2:  "Curador da vida" Libro de Pagola, cap. 6

GRUPO 3: "Amigo das mulleres" Libro de Pagola, cap. 8

GRUPO 4: "Crente fiel" Libro de Pagola, cap. 11

O acceso ao coñecemento vital de Xesús realízase a través destes tres camiños complementarios:

a) A reflexión e o estudo

b) A pregaria coa que buscamos deixarnos coller polo seu Espírito

c) A práctica dunha vida xusta e solidaria.

Traballo entre sesións curso 2023-2024

   

Xesús, o rostro humano de Deus

Para o traballo das mañás:

Texto base:

Rafael Aguirre, Carmen Bernabé, Carlos Gil: Qué se sabe de... Jesús de Nazaret. Verbo Divino, (5ª reimpresión, 2018)

Textos complementarios:

Andrés Torres Queiruga: Repensar la cristología. Verbo Divino, 1995

Manuel Regal Ledo: Xesús, aquel home de aldea, Encrucillada, 2008; Jesús, aquel hombre de pueblo, PPC, 2016

 

Para o traballo dos grupos pola tarde:

José Antonio Pagola: Jesús. Aproximación histórica. PPC, 2007

4ª sesión 

(16 de marzo de 2024)

Mañá:

Qué se sabe de... Jesús de Nazaret

A resurrección de Xesús e a nosa resurrección (cap. 6 páx 159-186 e cap. 10 páx 217-236)

Tarefa especial:

Para facer máis vivo o encontro da mañá, a ver se cada un, cada unha, despois da lectura dos textos prepara unha pregunta e un comentario sobre algo que lle gustou máis ou algo que o desconcetou algo, ou moito. Veña!

Tarde:

GRUPO 1: "Crente fiel" Libro de Pagola, cap. 11

GRUPO 2: "Confilitivo e perigoso" Libro de Pagola, cap. 12

GRUPO 3: "Curador da vida" Libro de Pagola, cap. 6

GRUPO 4: "Amigo das mulleres" Libro de Pagola, cap. 8

O acceso ao coñecemento vital de Xesús realízase a través destes tres camiños complementarios:

a) A reflexión e o estudo

b) A pregaria coa que buscamos deixarnos coller polo seu Espírito

c) A práctica dunha vida xusta e solidaria.

Traballo entre sesións curso 2023 - 2024

  

Xesús, o rostro humano de Deus

Para o traballo das mañás:

Texto base:

Rafael Aguirre, Carmen Bernabé, Carlos Gil: Qué se sabe de... Jesús de Nazaret. Verbo Divino, (5ª reimpresión, 2018)

Textos complementarios:

Andrés Torres Queiruga: Repensar la cristología. Verbo Divino, 1995

Manuel Regal Ledo: Xesús, aquel home de aldea, Encrucillada, 2008; Jesús, aquel hombre de pueblo, PPC, 2016

 

Para o traballo dos grupos pola tarde:

José Antonio Pagola: Jesús. Aproximación histórica. PPC, 2007

1ª e 2ª sesión 

(4 de novembro e 16 de decembro de 2023)

Mañá:

Qué se sabe de... Jesús de Nazaret

- 4 de novembro: Investigación actual sobre Xesús (cap. 1 páx 17-34)

- 16 de decembro: Xesús plenamente humano (cap. 2 páx 35-64 e cap. 6 páx 125-142)

Cuestións que poden ir orientando a túa lectura:

Fixarse un pouco en:

1.- No cambio moderno da Igrexa e da teoloxía

- que aspectos da cultura xeral che parecen máis importantes para a fe.

- a idea que tiñas de Cristo cres que era realista e verdadeiramente humana?

2.- Cales son os principais puntos que cómpre reformar?

3.- Que quere dicir: "Cristoloxía desde abaixo"?

Traballo entre sesións curso 2022-2023

  

(18 de marzo - 22 de abril de 2023)

A revelación divina na realización humana

LECTURAS:

José Luis Sicre, Introducción al Antiguo Testamento. Verbo Divino, Estella (Navarra), 253-288 (primeira edición, 1993); 313-370 (segunda edición, 2013).

Cuestións que poden ir orientando a túa lectura:

1.- Que se entende por "teoloxía deuteronómica"? Desapareceu ou continúa presente?

2.- Que che parece o modo de pensar e vivir a vida que ten o Qohelet?

3.- Discute un pouco cos amigos de Xob: non hai moita xente que pensa coma eles?

4.- Revelación e sabedoría da vida: de verdade anda Deus entre os pucheiros?

5.- Os Salmos como oración: fala Deus? Falamos nós?

6.- Que salmo ou salmos che gustan máis? Como che inflúen?

Oración para acompañar a lectura e o estudo

Grazas, meu Deus, porque non es un Deus calado e ensimismado.

Grazas porque che gusta contarte, para que todos, todas, gocemos de ti e do teu proxecto solidario. 

Grazas polas persoas que co seu traballo, co seu estudo, cos seus escritos, sobre todo coa súa solidariedade amante, persoal e social, nos falan de ti con verdade, afecto e atracción. 

Que nunca che pechemos as portas cando chamas.

Que en todo momento nos atopes dispostos a escoitarte e a seguirte, en comunidade, arredor de Xesús, coma irmás e irmáns que camiñan facendo pobo, facendo comunidade, cara á plenitude, cando todos e todas sexamos unha en ti, tecidas/os polos fíos de amor cos que ti pacientemente vas tecendo as nosas vidas fráxiles. Amén.

Traballo entre sesións

 

(22 de xaneiro - 28 de marzo de 2023)

A revelación divina na realización humana

LECTURAS:

José Luis Sicre, Introducción al Antiguo Testamento. Verbo Divino, Estella (Navarra), 177-252 (primeira edición, 1993); 227-311 (segunda edición, 2013).

Cuestións que poden ir orientando a túa lectura:

1.- Que pensabas que era un profeta? Que pensas agora?

 

2.- Como lles "falaba" Deus aos Profetas?

3.- Que temas che parecen máis fundamentais nos anuncios proféticos?

4.- Que profeta ou que predicación profética é a que máis che gusta, conmove, sorprende?

5.- Facerse unha idea dos distintos tipos de profeta, e tamén da súa historia?

6.- Por que "calou" o profeta?

Traballo entre sesións (17 DEC - 21 XAN)

 

(17 de decembro - 21 de xaneiro)

A revelación divina na realización humana

LECTURAS:

José Luis Sicre, Introducción al Antiguo Testamento. Verbo Divino, Estella (Navarra), 13-59 (primeira edición, 1993); 3-73 (segunda edición, 2013).

Cuestións que poden ir orientando a túa lectura:

1.- Que razóns hai para pensar que Moisés non puido escribir o Pentateuco?

2.- Entón eses libros non son revelación nin “palabra de Deus”? Como se entende iso?

3.- Como interpretar que Deus lle pida a Xacob que sacrifique o seu fillo Isaac?

4.- Para salvar a Israel, tivo Deus que “endurecer” o Faraón e matar os exipcios?

5.- Se Moisés tivo que discorrer, dialogar, aprender dos veciños… para publicar os Mandamentos, como dicimos que son mandamentos de Deus?

O tempo de Nadal, o tempo de vacacións, precisamente por ser vacacións e por ser o tempo de Nadal (o tempo do Deus connosco, o tempo da presenza solícita de Deus no medio de nós, porque nos ama cun amor denso, tenro, esixente, total), préstase para estudar o tema do Antigo Testamento que traemos entre mans, como aprendices de Deus e das persoas que intentaron achegarse á súa luz, ao seu amor, á súa forza,.

Na procura sempre dunha experiencia de Deus o máis limpa e fonda posible, aínda que nos revolva a casa e se nos conmovan moitas cousas na vida. Canto máis auténtica sexa a experiencia de Deus, máis nos veremos gratificados e alentadas por ela. E xa sabemos que a experiencia de Deus non se acada só con lectura e estudo, senón tamén coa oración e coa praxe do amor.

Ao ler o libro, toma nota de todo o que non entendes, o que te sorprende, o que especialmente che gusta; tamén aquilo co que en principio non estás de acordo, para compartilo entre todos e todas.

Traballo entre sesións (19NOV - 17DEC)

(19 de novembro - 17 de decembro)

A revelación divina na realización humana

LECTURAS:

José Luis Sicre, Introducción al Antiguo Testamento. Verbo Divino, Estella (Navarra), 13-59 (primeira edición, 1993); 3-73 (segunda edición, 2013).

Cuestións que poden ir orientando a túa lectura:

— Como reaccionas cando les ou escoitas na misa pasaxes "estrañas", coma o paso do "Mar Vermello" con tantas mortes de exipcios?

— Como explicas a Biblia cando che din que contradí a ciencia actual, por exemplo na creación do mundo en seis días, fronte a miles de millóns de anos?

— Como pode haber ideas tan distintas de Deus, algunhas terribles?

— Como compaxinar o Novo Testamento co Antigo?

— Pensa un pouco en como este lectura che pode axudar a ler a Biblia.

Traballo entre sesións

 

(7 de maio - 4 de xuño)

Deus crea por amor

Lecturas:

TORRES QUEIRUGA, A., Recuperar a creación. Por unha relixión humanizadora. SEPT, 1996

- Deus crea creadores/as (Cap. III, páxs. 109 - 160)

- Máis alá da oración de petición (Cap. VI, páxs. 247 - 295)

Cuestións que poden ir orientando a túa lectura:

1. Como interpretas hoxe, de verdade, as palabras “quen queira vir detrás de min, que se negue a si mesmo”?

2. Tomamos en serio que “o que nós non fagamos non o vai facer Deus”..., por moitas oracións ou rogativas que se fagan?

3. Amar a Deus, amar as persoas por si mesmas, amalas por amor de Deus, amalas porque se cre en Deus..., como se entende todo iso?

4. Cando ollamos as persoas que “non cren”, pensamos en que Deus se preocupa por que crean ou porque “sexan felices”, aínda que non crean?

5. Pensar no movemento fondo da Biblia: vai de nós a Deus pedíndolle nós a El, ou de Deus a nós pedíndonos El a nós? Recordar textos e escenas do Antigo e do Novo Testamento.

6. Ten sentido que Deus nos estea sempre chamando a que amemos, axudemos..., e que nós o esteamos tamén sempre chamando para que El ame e axude?

7. Como se vai desenvolvendo vitalmente a nosa oración na relación viva e consciente con Deus?

Pensar un pouco na necesidade real de respectar e apreciar a “tradición”..., e na posibilidade de o facer cambiando o modo como ela se expresaba. Tomar en serio a dificultade.

Traballo entre sesións

 

(3 de abril - 7 de maio)

Deus crea por amor

Lecturas:

TORRES QUEIRUGA, A., Recuperar a creación. Por unha relixión humanizadora. SEPT, 1996

- Deus crea por amor (Cap. II, páxs. 91-108)

- Culpa, pecado e perdón (Cap. V, páxs. 201 - 245)

Cuestións que poden ir orientando a túa lectura:

1. Onde está Deus para ti? No ceo? Na igrexa? Nas cousas que estás a facer? Nas persoas que encontras?

2. Deus está quieto, ollando o que facemos? Intervén nalgunhas ocasións importantes? Está sempre actuando: como?

3. Como sitúas a Deus na enfermidade, túa ou das outra persoas? Como lle rezas?

4. Por que pensas que facemos o mal, mesmo moitas veces sen que o queiramos? Ou querémolo sempre?

5. Como pensas que te mira Deus cando te sentes culpable?

6. Pensaches algunha vez que “o teu” (ou o de outras persoas) non tiña perdón de Deus?

7. Por que non debemos pecar? Porque o manda Deus? E se Deus non existise o se , existindo, non o mandase?

8. Que significou na túa vida a confesión? Como a viviches? Como a vives agora?

9. Ten ou non ten razón o irmán do Fillo pródigo?

10. Hai dereito a que Deus perdoe tamén a Hitler ou a Pinochet?

Traballo entre sesións

(Terceira sesión: 2 de abril de 2022)

Deus crea por amor

Lecturas:

TORRES QUEIRUGA, A., Recuperar a creación. Por unha relixión humanizadora. SEPT, 1996

- Deus crea por amor (Cap. II, páxs. 69-108)

- Moral e teonomía (Cap. IV, páxs. 163-200)

Cuestións que poden ir orientando a túa lectura:

1. Cando traballas, descansas, vas ao cine…, pensas que Deus está contento por iso ou que non lle importa, porque o importante é rezar, ir á misa, facer “obras boas”? Non se trata de contestar coa cabeza (coas ideas que descorro como debe ser), senón co corazón, coa reacción espontánea durante a vida ordinaria.

2. Realmente, cando algo che sae ben, sentes que Deus está aí contigo, contento? Compara cos casos en que algo che sae mal, hai desgraza ou sufrimento.

3. Se che pregunta alguén: “por qué non debemos roubar”, que lle contestas ou contestarías de maneira espontánea?

4. Realmente, pensas que sen moral non serías máis feliz, facendo o que che dá a gana, sen mandamentos nin imposicións? Contesta desde a vida.

5. Cando se trata de moral, de portarse ben, de ser honrado ou honrada en situacións difíciles que van contra o propio interese, sentes a Deus como un xuíz que te xulga ou como unha compañía que te axuda a portarte ben e a comprenderte aínda que faltes?

6. Se de repente chegaras á convicción de que Deus non existe, a túa conduta moral sería a mesma ou distinta?

Traballo entre sesións

 

(Segunda sesión: 18 de decembro 2021)

Deus crea por amor 

Lecturas:

TORRES QUEIRUGA, A., Recuperar a creación. Por unha relixión humanizadora. SEPT, 1996, Páxinas: 13-67.

Cuestións que poden ir orientando a lectura do texto:

1.- Que cousas da fe cres ( ou crías antes) que non es capaz de crer de verdade?

2.- A vida e a relixión: xuntas, afastadas, cómo inflúen entre si?

3.,- Examina as imaxes de Deus que tiveches ao longo da vida (ou tes agora).

4.- Como che soa a idea "creación"? Normal? Rara? Comparacións.

5.- Medo a Deus: Tivéchelo? Telo? Telo e non o recoñeces?

6.- Deus Pai/Nai: artificioso ou profundo?

Oración (suxestións para facer a oración na casa, en clave de "casa común")

1.- Busco un espazo e un momento tranquilo. Doume un tempo para a oración, 15-30´.

2.- Pode ser na casa ou fóra. Se é fóra, podo empezar por percibir a natureza que me rodea como formas da presenza de Deus. Emprego a natureza como maneira de tomar conciencia desa presenza. Se é na casa, podo empregar pequenos símbolos, que tamén serán da natureza ou froito da man creadora dos seres humanos, para meterme nesa presenza: unha veliña, unha planta, unha imaxe, rostros de xente marxinal, ...

3.- procedo a acender unha veliña. A luz, un símbolo da presenza e da acción de Deus. Fago o sinal da cruz lentamente sobre o meu corpo; Deus apaixonado por min.

4.- Meto en silencio o meu corpo, a miña mente, os meus sentimentos e emocións, o meu ser máis total, máis fondo, o meu inconsciente incluso, e seime así, todo en Deus. Recréome nisto.

5.- Repaso as cinco actitudes dunha espiritualidade de criatura: admiración, agradecemento, loanza, dispoñibilidade, confianza para cargar co peso, coa conflitividade e co gozo da casa común.

6. Podo ler o texto do evanxeo do día, relelo, deixarme ferir por el, centrarme naquela palabra ou palabras que máis me afectaron e en silencio deixar que entren en min.

7.- Remato dando grazas polo tempo vivido en oración e repasando brevemente as cinco actitudes anteriores, para que tamén me acompañen en todos os momentos do día.

Traballo entre sesións

(Quinta sesión: 9 de maio de 2020)

A Eucaristía e o Matrimonio

Lecturas

- TORRES QUEIRUGA, A., O matrimonio como sacramento (do material fotocopiado entregado pola Escola de Espiritualidade.)

-  TORRES QUEIRUGA, A., A Eucaristía encontro vivo co Señor (do material fotocopiado entregado pola Escola de Espiritualidade.)

Cuestións que poden ir orientando a túa lectura:

Eucaristía:

1.      Por que che parece que a Eucaristía é o sacramento central?

2.      Cando pensabas/pensas que Cristo se fai presente na Eucaristía?

3.      Se Cristo está sempre presente, qué significa a “consagración”?

4.      Son iguais todas as presenzas de Cristo? En que se diferencian?

5.      Significado e práctica da “comuñón”: pan e viño, Cristo, os demais, o mundo. Relaciona con isto o antigo “ite, missa est”!

Matrimonio

1.   Como explicaríamos para que é o matrimonio?

2.   O matrimonio civil é verdadeiro matrimonio?

3.   Que supón a celebración sacramental do matrimonio? Que vantaxes, que desvantaxes lle ves?

4.   Cando hai crise, que debe pesar máis: a falta de amor, a fidelidade á parella e/ou o ben dos fillos?

5.   Como vemos o que hoxe está a pasar co "matrimonio"?

- PAPA FRANCISCO,  Evangelii gaudium, cap. 4º “Dimensión social da evanxelización” nn. 176-258.

“Evanxelizar é facer presente no mundo o reino de Deus” (n. 176), empeza dicindo o Papa. Iso implica que  “Deus, en Cristo, non redime soamente a persoa individual, senón tamén as relacións sociais entre os seres humanos”(n. 178). Todo este capítulo está dedicado a desenvolver este aspecto social da evanxelización, e despois de  razoar esta consecuencia nos nn 177-185, vaina explicitando en tres apartados: “A inclusión social dos pobres” (nn 186-216), “O ben común e a paz social” (nn. 217-237), “O diálogo social como contribución á paz” (nn. 238-258). O primeiro apartado mestura sentido evanxélico e funcionamento económico; o segundo ten un matiz filosófico a partir duns principios repetidamente citados polo Papa; o terceiro propón o diálogo (fe ciencia, diálogo ecuménico, co xudaísmo, interrelixioso, social) como ferramenta básica de construción social.

                DA LECTURA DESTE TEXTO, QUÉ DÚAS COUSAS ME IMPRESIONARON MÁIS?

            Atopamos aquí xa, en xerme, moitas das mensaxes que posteriormente o Papa foi desenvolvendo en diferentes tempos e ocasións.

Traballo entre sesión

(Cuarta sesión: 7 de marzo de 2020)

O Bautismo e o Sacramento do Perdón

Lecturas

-   TORRES QUEIRUGA, A., Culpa, pecado e perdón (do material fotocopiado entregado pola Escola de Espiritualidade.)

-   BURGALETA, X., Pecado, penitencia e madureza humana (do material fotocopiado)

Cuestións que poden ir orientando a túa lectura:

1.- Reflexión: Habería pecados, se Deus non existise?

2.- Qué pecados preocupaban antes, cáles agora?

3.- Por qué se peca, sabendo que está mal e que, moitas veces, non se querería?

4.- Diferenza entre “culpa” e “pecado” (cf. n. 1)

5.- Para ti a Igrexa foi culpabilizadora ou liberadora? E agora?

6.- Confesarse ao cura, confesarse a Deus, sentido do Sacramento do Perdón

7.- Examinar e dialogar sobre experiencias vividas

-   PAPA FRANCISCO,  Evangelii gaudium, cap. 3º “O ANUNCIO DO EVANXEO” nn. 110-134; 160-175.

1.-Todo o pobo cristián é evanxelizador. Repara en como entende o Papa a catolicidade: diferenzas que enriquecen a unidade. ¿Qué che suxire?.

2.-Que é o que nos capacita para sermos discípulos/as misioneiras, segundo o Papa? (nn. 119-121).

3.- O Papa vai presentando (nn. 122-134) diferentes espazos de evanxelización. ¿Cres que poderiamos incluír algún máis?

4.- ¿Entendemos ben o significado do Kerigma como “primeiro anuncio”? Nun momento misioneiro, aínda en xente bautizada, ¿qué podería significar esa invitación a ter moi en conta o “primeiro anuncio”.

5.-Ao “primeiro anuncio” débelle seguir un bo proceso catequético, ben acompañado por persoas ben habilitadas. É esta unha grande carencia na nosa Igrexa. ¿Cales che parecen as maiores dificultades para poder cubrir esta carencia? ¿Cómo pensas que se podería ofrecer este servizo?

(Terceira sesión: 18 de xaneiro de 2020)

Os sacramentos: celebración da graza libre de maxia.

Lecturas

Ø  TORRES QUEIRUGA, A., Os sacramentos hoxe: significado e vivencia (do material fotocopiado entregado pola Escola de Espiritualidade.)

Ø  PAPA FRANCISCO: Exhortación apostólica “A ledicia do Evanxeo” (Evangelii gaudium), Cap. 2º:  NA CRISE DO COMPROMISO COMUNITARIO (núm,s. 50-109).

Cuestións que poden axudar a túa lectura:

DE TORRES QUEIRUGA

1.-   Como che ensinaron que Deus actúa nos Sacramentos, e como pensas ti acerca diso?

2.-   Que cres que significa a expresión “ex opere operato”?

3.-   Se os Sacramentos non son un milagre invisible ou unha acción máxica, que eficacia poden ter?

4.-   Como entendes ti a acción de Deus e a acción humana nos Sacramentos?

5.-   Que experiencia tes ti da vida sacramental?

DO PAPA FRANCISCO:

1.-   Na primeira parte, nn.50-75, o Papa vai enumerando ata 7 desafíos do ambiente externo cos que se atopa hoxe a tarefa da Evanxelización. Compartes a análise que deles vai facendo o Papa?

2.-   Engadirías, desde a nosa condición de crentes galegos/as, situados nunha Terra cunha cultura, lingua, tradicións relixiosas propias, algún novo desafío?

3.-   Na segunda parte, núm,s 76-109, fala, en cambio, das tentacións máis ben internas dos homes e mulleres que traballan en Igrexa no espallamento do Evanxeo; fala tamén doutros sete desafíos ou riscos. Que che parecen? Veste identificado nalgún deles?

4.-   Pola nosa particular maneira de ser, pola forma en que se foi desenvolvendo entre nós o anuncio do Evanxeo, consideras que temos na Igrexa Galega algún desafío interno a maiores?

5.-   Vémonos afrontando sabiamente eses diferentes desafío externos ou internos, ou andamos perdid@s e desalentad@s?

Traballo entre sesións

(Segunda sesión: do 9 de novembro ao 14 de decembro do 2019)

Lecturas

GONZALEZ CARBAJAL, L., Un cristiano solo no es cristiano: la Iglesia. (Primeiro artigo do Caderno de apuntes da Escola de Espiritualidade.

PAPA FRANCISCO: Exhortación apostólica “La alegría del Evangelio” (Evangelii gaudium), Cap. 1º: LA TRANSFORMACION MISIONERA DE LA IGLESIA (nn. 19-49).

Cuestións que poden axudar a túa lectura:

DE GONZÁLEZ CARVAJAL

1.- ¿Por qué dicimos que “un cristián so non é cristián”?  González Carvajal afírmao, pero non o razoa. ¿Cómo razoarías ti iso?

2.- ¿Igrexa servidora ou Igrexa señora? ¿Igrexa que pretende presentarse como o “reino de Deus”? ¿En que estilos e comportamentos se mostra como servidora e en cales como señora?

3.- ¿Cómo entendes iso de que a misión da Igrexa é ser unha demostración provisional do plan de Deus para a humanidade enteira? ¿En que cousas prácticas cres que se debería concretar esa misión no noso momento histórico?

4.- O autor intenta razoar a necesidade da participación social, política das persoas cristiás para ir facendo deste mundo o “reino de Deus”, de crentes doutras relixións ou incluso de non crentes. ¿Compartes eses razonamentos?

DO PAPA FRANCISCO:

1.- Fíxate en que cinco pasos concreta o Papa iso de Igrexa en Saída. ¿Qué che parece esa proposta? ¿A quen che recorda?

2.- ¿Pastoral en conversión, conversión da pastoral? ¿Qué pretende afirmar o Papa con estas expresións? ¿A que prácticas nos empuxa?

3.- O Papa insiste en que a evanxelización realízase dentro de “límites”, e fai referencia a algúns deles. ¿Compartes esas reflexións e criterios?

Traballo entre sesións

Lecturas:

Texto base:

Repensar la Cristología. Andrés Torres Queiruga. Ed. Verbo Divino 1995

Textos complementarios:

Síntese do anterior, preparado para a Escola de Espiritualidade por María del Carmen Leirós de la Peña (Mencha).

5º encontro: 11 de maio do 2019

Cap.9   Que significa “Xesús é Deus”      (páx. 299-379)

Cuestións para axudar a centrarse no máis importante do texto e ver de comprendelo:

1. Fai memoria desde pequena/o: que imaxe de Xesús che foron transmitindo e recordas?
2. Do que fomos aprendendo e dialogando, que datos te sorprenderon, ensinaron e axudaron máis?
3. Como describirías a Xesús, se alguén che pregunta como o ves?
4. Cales son os interrogantes que máis che veñen e acaso preocupan?
5. Que che din os “novos” camiños (un pouco difíciles, certo) que se indican no libro?

Traballo entre sesións

Lecturas:

Texto base:

Repensar la Cristología. Andrés Torres Queiruga. Ed. Verbo Divino 1995

Textos complementarios:

Síntese do anterior, preparado para a Escola de Espiritualidade por María del Carmen Leirós de la Peña (Mencha).

4º encontro: 9 de marzo do 2019

Cap.5 A resurrección de Xesús e a nosa resurrección  (páx. 157-177)

Cuestións para axudar a centrarse no máis importante do texto e ver de comprendelo:

1. Intenta ler como contan a resurrección os distintos evanxeos: en que coinciden e que se diferencian?
2. Como imaxinas a Xesús Resucitado? Onde está? Como é posible que estea presente aquí, en África e en Oceanía?
3. Que rol e que importancia ten o seu corpo físico?
4. Que sucede cos nosos defuntos, se tamén eles “resucitan con Cristo”?
5. Que relación ves entre a vida de Xesús, a súa cruz e a súa resurrección?
6. Que relación temos cos nosos defuntos? Que sentido teñen os funerais?

3º Encontro: 26 de xaneiro de 2019

Lecturas:

Texto base:

Repensar la Cristología. Andrés Torres Queiruga. Ed. Verbo Divino 1995

Textos complementarios:

Síntese do anterior, preparado para a Escola de Espiritualidade por María del Carmen Leirós de la Peña (Mencha).

3º encontro: 26 de xaneiro de 2019

Cap.8 O que Cristo significa para os homes e mulleres de hoxe  (páx. 261-298)

Cuestións para axudar a centrarse no máis importante do texto e ver de comprendelo:

• Como era a túa imaxe de Xesús e que cambios notas nela hoxe?
• Que datos, experiencias, dificultades te fixeron cambiar?
• Que che din expresións como “baixou do ceo”, “Deus fíxose home”, “subiu ao ceo”?
• Como falas con Xesús? É un recordo ou unha persoa real?
• Distingues entre Deus e Xesús cando oras?

do 10 de novembro de 2018 ao 15 de decembro de 2018

Lecturas:

Texto base:

Repensar la Cristología. Andrés Torres Queiruga. Ed. Verbo Divino 1995

Textos complementarios:

Síntese do anterior, preparado para a Escola de Espiritualidade por María del Carmen Leirós de la Peña (Mencha).

1º encontro: 10 de novembro do 2018

Cap.7 A Cristoloxía despois do Vaticano II  (páx. 215-257)

2º encontro: 15 de decembro do 2018

Cap.6 Xesús, home verdadeiro  (páx. 179-213)

Cuestións para axudar a centrarse no máis importante do texto e ver de comprendelo:

• Como poderías explicar a diferenza entre unha cristoloxía desde arriba e desde fóra, e unha cristoloxía desde abaixo e desde dentro?
• Que implicou para Xesús ser un home “coma un home normal” (Flp 2,7)? Sinala algúns aspectos desta realidade.
• As persoas que acompañaban a Xesús de cerca vírono como un home normal e na profundidade da súa humanidade descubriron algo que os desbordaba, ata chegar a recoñecelo como fillo de Deus. Entendemos isto? Podemos explicalo coas nosas palabras?
• Fíxate nas ideas do apartado “Algunas líneas comunes”. (páx. 243-249).

do 11 de marzo ao 28 de abril de 2018

Lecturas:

Texto base:

"Introducción al Antiguo Testamento" J.L Sicre Verbo Divino 1993

Textos complementarios:

"Un concepto actualizado de la revelación" Texto: A. T. Queiruga

"Cómo se formó a Biblia" Texto: A. T. Queiruga

"Para leer la Biblia" Etienne Charpentier - Cuadernos bíblicos 1 Verbo Divino

5º Encontro: (28 de abril de 2018)

Lectura:

Introducción al Antiguo Testamento. José Luis Sicre, Verbo Divino, Estella (Navarra), páxs. 253 - 288 (edición primeira), ou 313 - 370 (edición segunda).

Cuestións que poden ir orientando a túa lectura:

1. Que se entende por "teoloxía deuteronómica"? Desapareceu ou continúa presente?
2. Que che parece o modo de pensar e vivir a vida que ten o Qohelet?
3. Discute un pouco cos amigos de Xob: non hai moita xente que pensa coma eles?
4. Revelación e sabedoría da vida: de verdade anda Deus entre os pucheiros?
5. Os Salmos como oración: fala Deus? Falamos nós?
6. Que salmo ou salmos che gustan máis? Como che inflúen?