5º Encontro curso 2023 - 2024

 

CELEBRANDO O AMOR, A AMIZADE QUE XESÚS TEN CONNOSCO

1.Presentación

Por que miramos tanto a Xesús: recordo, estudo, corazón, seguimento....

Nós andamos tras del, e el anda tras de nós, en nós. Aquí, agora....

Unha experiencia, un xogo de namoro.

2.Lectura do Cantar dos Cantares 2,8-14.

O amado ás portas

A AMADA

“Escoitade! É o meu amigo! Velaí vén!

Choutando polos montes,

brincando polos outeiros!

Semella o meu amigo unha gacela

ou un cerviño novo.

Velaí que parou tras o noso muro,

albisca polas fiestras,

axexa polas reixas!

Aí vén o maio

Faloume o meu amigo; así dicía:

“Érguete, amada miña,

fermosa miña, ven xa!

Xa fuxiu o inverno,

foron pasando as chuvias,

floriñas asomaron na campía,

ven o tempo das ruadas,

os arrolos da rula resoan nos nosos campos;

o figueiral ten gromos,

as vides botan flores recendentes.

Érguete e ven, amada,

fermosa miña, ven xa!

Pomba escondida

Miña pomba, nas fendas dos penedos,

nos recantos das rochas,

faime ver a túa figura,

faime oír o teu falar,

que é doce esa voz túa,

e o teu xeito, lanzal!”

3.Lectura “magnética” de Mt 11, 27-30

Silencio

4.Cantiga:

ACHARTE PRESENTE NA VIDA,

FIARME DE TI SEN TE VER,

LEVAR UNHA LUZ ACENDIDA,

QUERER E DEIXARSE QUERER.

Abrirche se petas á porta,

deixarte sentar ao meu lar,

saber o que oírte me aporta,

quedarse contigo a velar.

5.-Piropos a Xesús

6.Xesús Cristo amigo, Deus e Salvador

(X.A. Miguélez)

Xesús Cristo amigo, Deus e Salvador,

bendígote ledo, douche adoración;

en ti recoñezo a Deus servidor,

fonte de tenrura e liberación.

Na cruz entregado fuches vencedor

do mal e da morte afrontando a dor,

porque sempre amaches, fuches redentor,

por beneficiarnos sufriches paixón.

Coa Igrexa confeso a resurrección,

eu créote vivo, xivo xunta a nós,

vivísimo en Deus, único Señor,

que gozo saberte con nós a carón!

A túa palabra é de Pastor bo

que conduce sempre a vida mellor,

eu quero gardala no meu corazón,

e guiarme en todo pola túa voz.

7.Acompañando a Xesús empobrecido,rezamos o NOSO PAI/NAI....

8.Un bo abrazo final.

A quen teñamos ao lado, dándollo ao irmán ou irmá estámosllo dando ao mesmo Cristo, ao mesmo Deus que mora nel.