5º Encontro 2018 / 2019

1.      Introdución dos signos pascuais: cruz, loureiro, luz e auga.

   O loureiro está enriba da mesa.

a)      Entrada do cirio pascual, estando a escuras.

CANTO:

A Cristo cantamos na luz que alumea,

a Cristo cantamos co lume da fe.

PREGARIA:

Grazas, Xesús, que me iluminas

coa luz vigorosa do teu rostro,

cos rostros ignorados de quen sofre

á espera de olladas solidarias.     

b)      Entrada da auga.

CANTO:

Que ben sei eu da fonte

que mana e corre

anque é de noite.

(Aspersión coa auga bautismal)

PREGARIA:

Grazas, Xesús, que me renovas,

facéndome inocente, transparente,         

gozando a fonda dita de ser fill@,

de ser irmá, irmán, familia, pobo,

nesta longa ascensión cara o teu seo

onde todo está en ti, e ti en todo.

  

2.- Salmo 23: (versión á luz do Evanxeo)

CANTO:

O Señor é o meu pastor, nada me falta,

o Señor é meu pastor, sempre vai comigo.

  

O Señor é o meu pastor: nada me falta.

En pastos verdecentes faime repousar,

lévame a beber en augas tranquilas

e repón as miñas forzas.

Guíame por vereas rectas

por mor do seu nome.

Se tiver de pasar por valgadas sombrizas,

ningún mal temería, pois ti vas comigo:

o teu bastón e o teu caxato

son o meu sosego.

Ti pos para min a mesa

á cara dos meus inimigos;

únxesme con perfume a cabeza

e a miña copa reborda.

O teu benquerer e a túa misericordia

vanme seguindo todos os días da miña vida;

eu habitarei na casa do Señor

por días prolongados sen fin.

3.- Volvendo a Galilea: as ansias de Xesús

As ansias de Xesús sempre tiñan que ver coa xente, co mundo das pobrezas da xente, fosen as que fosen, no nome do Deus da vida. Entramos con Xesús nese mundo.

Ø  Deus dá a cara por nós? Por quen estamos nós dando a cara nesta hora, ou nos gustaría dála no nome de Deus?

Ø  Deus é sentido no salmo como o que vai comigo. Con quen imos nós? Con quen nos gustaría ir no nome de Deus?

Ø  Deus comparte a súa mesa e o seu amor entrañable connosco. Con quen a compartimos nós ou a queremos compartir no nome de Deus?

4.- Noso Pai/Nai, en quen vivimos e existimos...

5.- Bendición pascual, dada por María Magdalena.