21 xaneiro, 2020

3º Encontro 2019 / 2020




Tomamos conciencia de nós e de que estamos en Deus: espazo familiar, comunitario, mundial, cósmico. Oramos desde aí: QUERO ESTAR AO TEU LADO, MEU DEUS
Unción do Espírito.
Oramos con dous salmos de peregrinación, nesta nosa peregrinación anual cara ao encontro cunha vivencia cristiá da experiencia eclesial.
Canto
ERGO OS MEUS OLLOS CARA Á VIDA,
DE ONDE ME VAI VIR A AXUDA,
VAIME VIR DO SEÑOR DEUS,
QUE FIXO O CEO E MÁIS A TERRA. (BIS)


Salmo 123 (122) Versión oracional
(signo: os ollos, a ollada)

Cara a ti alzo os meus ollos,
cara a ti, Señor, o meu sustento.

Coma os ollos do servo no señor,
coma os ollos da serva na señora,
así están os nosos ollos en ti,
Señor, noso Deus,
confiando sempre no teu amor.

Canto precisamos, Señor, do teu amor,
canto precisamos!,
pois estamos fartos de desprezos.

Farta está a nosa vida
das burlas da xente satisfeita,
do desprezo dos poderosos.

Gloria…

Salmo 124 (123) Versión oracional
(signos: as augas que asolagan,
o paxaro liberado)

Se o Señor non estivese connosco
—que o diga o seu pobo—,
se o Señor non estivese connosco,
cando se ergueron contra nós os opresores,
teríannos engulido vivos
no incendio da súa ira.

As augas xa nos terían asolagado
e o torrente pasado sobre nós;
xa nos terían mergullado
as augas escumantes.

Bendito sexa o Señor,
coa súa forza librámonos dos seus dentes.
A nosa vida é coma o paxaro que se zafa
da rede do cazador.
Rómpese a rede
e nós escapamos.

O noso socorro está no nome do Señor,
que fixo o ceo e máis a terra.

Gloria …


Silencio e compartimos


Memoria oracional solidaria
(brazos ergueitos)
MIRA, MEU DEUS,
AQUÍ ESTOU PARA QUERERTE,
ESTAS MANS,
ESTAS MANS PARA SERVIRTE
EN QUEN MÁIS PRECISE DELAS.

Noso Pai/Nai …
(dándonos as mans)

Bicos de Paz




Ningún comentario:

Publicar un comentario

Reservámonos o dereito de determinar que comentarios non deben ser publicados co obxectivo de manter un diálogo respetuoso, enriquecedor e fluido.