4º Encontro 2019 / 2020

1.- Para poñerse en modo oración: fe, desexo amoroso, dispoñibilidade, gratitude.

     Tempo de silencio para facelo individual e colectivamente.

2.- Unción co amor desmedido de Deus.

3.- Oramos cos salmos de peregrinación, nesta peregrinación anual cara a vivir a experiencia eclesial con humildade e firmeza.

Canto:

PRETO DE TI VIVIR QUERO, SEÑOR,

ANQUE DEBA SUFRIR NA CRUZ DA DOR.

FIRME  NO SUFRIMENTO HEI DE CANTAR ASÍ:

MÁIS PRETO QUERO ESTAR, MEU DEUS, DE TI.

4.- Salmos

Salmo130 (versión oracional)

Desde os abismos chámote, Señor,

confiando que me escoites,

que os teus oídos estean atentos

ao clamor da miña angustia.

Si ti levases conta dos pecados,

quen, Señor, se tería en pé?

Mais en ti está o perdón,

e así aviveces o noso amor.

Eu espero no Señor,

a miña alma espera;

eu confío na súa palabra.

A miña alma agarda o Señor,

como os vixías a aurora,

máis do que os vixías a aurora.

Que o pobo espere no Señor,

pois no Señor todo é amor

e redención cumprida.

El é quen redime o seu pobo

de todos os seus pecados.

Salmo 129 (versión oracional)

Abondo me combateron desde a mocidade

--que o diga o pobo de Deus--,

abondo me combateron desde a mocidade,

pero non puideron comigo.

Por riba do meu lombo araron os aradores,

abriron longos sucos.

Pero o Señor é xusto

e rompe as correas dos malvados.

Que mágoa a sorte

de quen renega da xustiza!

Serán coma herba dos tellados,

que seca antes da sega.

Con ela non enche a man o segador,

nin fai brazada quen ata os monllos.

Nin os que pasan saudarán dicindo:

“Que o Señor vos bendiga!”

 Bendicímosvos nos nome do Señor!

5.- Memoria oracional solidaria

Entre tod@s suscitamos e fortalecemos ante Deus a nosa memoria solidaria.

Canto:

NA TARDIÑA BAIXA DA VIDA

HAN EXAMINARME DE AMOR (2)

6.-  Noso pai/nai e bico de paz e de alentos